佘詩曼氣場太勁，陳曉華催眠自己搞對抗

無綫台慶劇《新聞女王2》將於明日（10日）首播，今日主演的佘詩曼、王敏奕、陳曉華及馬國明聯同監製鍾澍佳率領劇中超過20名演員現身紅磡為劇集宣傳造勢，並主持劇集展覽揭幕儀式。

提到劇集日前率先在內地首播有好回響，佘詩曼表示相信支持《新聞女王1》的人會繼續支持2，因為今次除了原班上陣之外，還加入了新角色，所以有更加精彩的劇情。劇中陳曉華不斷狙擊阿佘，問到曉華有否被阿佘的氣勢壓到？她就指：

「咁我陳曉華梗係驚，但係個角色唔可以驚，只能夠頂硬上，真係用咗一段時間去催眠自己，催眠自己好憎好討厭Man姐（阿佘）」，阿佘聞言即笑言曉華因在上一季中被炒，所以今季懷恨在心來報仇，更搞笑稱呼她做「小器鬼」。

問及阿佘有否觀看內地的評語，她表示有讚亦有彈，對於有人認為上季的Man姐較為強勢，她解釋今季想表達即使每個人很高高在上很厲害，但離開舒適圈創業要經過很多困難和阻力，想傳遞給女性如何正能量去面對問題。提及劇中同樣與Man姐敵對的黃宗澤（Bosco），阿佘笑稱他與曉華是朋友，曉華聞言即指：

「其實我覺得我個角色太愛Man姐 ，所以因愛成恨，有種唔想放過佢嘅感覺。（咁同Bosco呢？）我同佢有種惺惺相惜咁樣，即係佢畀我啲建議或者見解，我都覺得點解佢可以咁狠。」至於提到阿佘第一場從直升機度強勢登場，她預告之後劇情講到搶獨家新聞時，還會有更勁的場口，而問到對收視有否信心，她就表示信心當然要有，但成績好否就要靠大家，爭獲視后方面則指已經做好自己要做的事，享受了拍攝過程，出來的效果及結果如何就交畀大家。